Virksemið hjá Grannskoðarastovuni byrjaði í oktober í 1981. Fyrstu árini var virkið rikið sum einstaklingafyritøka við Eyðbjørg Thorleifsson sum stjóra. Í 1986 bleiv virkið umskipað til smápartafelag, og um sama mundi byrjaði Páll Højgaard eisini í starvi á Grannskoðarastovuni. Fyrstu nógvu árini var hildið til í hølum á Skála, og í 2003 var deild latin upp í leigaðum hølum í Runavík. Í 2006 varð alt virksemi flutt í egin hølir á Heiðavegi 31 og skrivstovan á Skála var eftir 25 árum afturlatin.

Mark T. Højgaard er skrásettur grannskoðari og stjóri á Grannskoðarastovuni. Virkið hevur í dag 10 fólk í starvi. 

​Við meira enn 40 ára royndum innan grannskoðan og fíggjarliga ráðgeving, kunnu vit bjóða eina tænastu á høgum fakligum støði.